አባ ኃይለጊዮርጊስ የኩክ የለሽ ማርያም ገዳምን የመሰረቱ ታላቅ አባት በመስከረም 23 ቀን 1903 ዓ.ም በተጉለትና ቡልጋ አውራጃ ተወለዱ፡፡

እግዚአብሔር አምላክ በእርጅና ጊዜአቸው በ64 ዓመታቸው ለመንፈሳዊ አገልግሎት ወደ ቤቱ የጠራቸው በአካለ ሥጋ በነበሩበት ጊዜም ነበር፤ ከቅድስት ድንግል ማርያም ከቅዱሳን መላእክት ከጻድቃን ሰማዕታት ጋር ለመነጋገር የበቁ የወንጌሉን ቃል በሕይወት በመኖር የሚሰብኩ ታላቅ አባት ነበሩት አባ ኃ/ጊዮርጊስ እግዚአብሔር ያከበረውን ማን ያዋርደዋል እንዳለ መጽሐፉ እኚህ ታላቅ አባት በሣርያ ቅዱስ ሚካኤል ቤተክርስቲያን ሲገለገሉ አና ሲያገለግሉ ቤተክርስቲያን ሲረዱ የቀዩ ቆይተው ከዕለታት አንድ ቀን በሰኔ ወር 11ለ 12 ለሊት በዋዜማው ከቅዱስ ሚካኤል ጋር በመነጋገር የሥላሴን ዙፋን ገነትንና ሲኦልን ለማየት የበቁ አባት ናቸው፡፡

አባ ኃይለ ጊዮርጊስ በእግዚአብሔር አጋዥነት በቅዱሳን መሪነት ገዳሙን የመሰረቱት ሲሆን ከድንጋይ ፍልፍል አራት / 4 / ቤተ መቅደሶችንና ሌሎች የባህታውያን መኖሪያ ዋሻዎች የሰሩ ሲሆን አብረዋቸው ቅዱሳን መላእክት እንደሚያግዟቸው በህይወት በነበሩበት ሰዓት ይናገሩ እንደነበር የገዳሙ አገልጋዮች ይናገራሉ።

እኚህ አባት ገዳሙን መስርተው ብዙ መንፈሳዊ አገልግሎት ካገለገሉ በኃላ በ1997 ዓ.ም መጋቢት 19 ቀን በዓለ እረፍታቸውን ካደረጉ በኃላ አጽማቸው በገዳሙ በጸሎት በአታቸው ውስጥ ይገኛል፡፡ ይህ ገዳም ከ25 በላይ መለኮሳት የሚኖሩበት ተዓምራዊ ምድር ነው።ይህን ታላቅ ገዳም የረገጠ ወንድ የ40 ቀን ህጻን ሴት የ80 ቀን ህጻን ይሆናል ተብሎ ቃል ኪዳ ተገብቶለታል። እንዲሁም በቦታው የበረከት ሥራ የሰራ ጸሎት ያደረገ እስከ ሰባት ትውልድ ድረስ ምህረት እንደሚደረግለት ቃል ኪዳን ተገብቶለታል።

በአሁኑ ሰዓት ገዳሟ በሰው ሰራሽና ተፈጥሮአዊ ምክንያቶች አደጋ የተደቀነባት ሲሆን በአለም ያለው ምዕመን በረከት እንዲያደርግ ጥሪ ተደርጎለታል።